為提高老友記對網絡安全嘅認識，中心同數字政策辦公室義工小組合辦咗一個網絡安全講座，向老友記分享網絡防騙小貼士，做個精明老友記，同時義工向老友記介紹「智方便」流動應用程式嘅實用資訊，俾老友記了解數碼科技喺日常生活中帶來嘅好處，義工亦即場為老友記登記「智方便」。
今次活動數字政策辦公室副專員Daniel亦一齊參與講座，並同老友記分享日常使用智能手機嘅問題。老友記都好專心聽講座及參與問答環節，同身邊嘅義工分享手機操作嘅問題。
鳴謝：數字政策辦公室義工小組
